بِسْمِ اللهِ الرَّحْمنِ الرَّحِيمِ

﴿وتلك الأمثال نضربها للناس وما يعقلها إلا العالمون

Join Us

You can join us , and receive our messages & updates on our facebook group

Dr. Ahmed Ramzy's students

http://www.facebook.com/home.php?#/group.php?gid=37870247173&ref=ts

MHC


السؤال كان عن ال MHC

عايزكم تركزو معايا قوي لأن الموضوع ده مهم جدا
وعلشان نذاكره كويس خلينا نعرف في الاول هوا مهم ليه؟
مهم لأنه بفهمنا لطبيعة ال MHC ودوره في الجسم


1. هانقدر نفهم ازاي الخلايا بتتعرف علي ال Ag وتبدأ تتفاعل ضده.

2. هانقدر نفهم ليه الجسم بيرفض الاعضاء الغريبة اللي بنزرعها كبديل لفشل الاعضاء "زراعة

3. وكمان هانقدر نفهم ليه العيان اللي عامل عملية زراعة اعضاء بيفضل ماشي علي ادوية تثبيط المناعة.
4. كمان هانفهم من خلاله ليه بتظر بعض الامراض عند سن معين وقبل كدة لأ " زي السكر والروماتويد وغيرهم...".
5. وبرده هانعرف ليه الجسم بيضرب الخلايا السرطانيه والخلايا اللي فيها فيروسات ويموتها بالرغم من انها خلايا جوه جسمي "self Ag" يعني بتاعتي مش غريبة عني....!


عامة خلينا نبدأ.....


Definition:
Histocompatibility antigens are self Ags; play a physiological role in Ag presentation and Transplantation.
Also, it is referred to HLA" human leukocyte antigens" because carry all types of HLA Ags in high concentrations.


MHC Genes:
The MHC genes present on the short arm of chromosome 6.


يعني ايه الكلام ده ؟


يعني ببساطة ان ال MHC عباره عن بروتين molecules بتكون موجوده علي سطح الخلايا بتاعتنا "بس مش كل الخلايا " الخلايا اللي عندها Nucleous بس


وده يا شباب بالظبط بالظبط زي فكرة البطاقة الشخصية...!


يعني ايه...؟


يعني مثلا ... مثلا... لو اي واحد فيا خرج من غير بطاقة هل ده ينفع؟


"طبعا البنات بيقولو عادي ومنهم اللي بيقولك انا اصلا ماطلعطهاش لسه"


بس الولاد فاهمني كويس


وفاهمين مدي الترحاب وحسن المعاملة والكرم اللي هايقابلوه من الظابط لما يكون مافيش بطاقه


وبيني وبينكم الظابط معذور


لانه هوا مايعرفش سيادتك مين


وبالتالي حقه انه يرحب بيك واوي كمان


نفس الكلام بالظبط بيحصل في الجسم


كل الخلايا بتاعتي "انا كاحمد مثلا" عليها بطاقة شخصية خاصة بيها مختلفة تمام الاختلاف عن البطاقة اللي موجوده عي خلايا مارك ومختلفه تماما عن البطاقة بتاعة عين او بتاعة ابو تريكة.


البطاقة دي حضراتكم هيا ال MHC molecules


وعلشان كده الجسم بيقدر يميز اي خلايا غريبة عنه ويتفاعل معاها ويقتها كمان ان لزم الامر " وده اللي بيخلي الجسم بيرفض الاعضاء الغريبة اللي بنزرعها كبديل لفشل الاعضاء "زراعة الاعضاء".


طيب يا دكتور انت قلتلنا ان الخلايا اللي عندها Nucleous بس هيا اللي عليها MHC


طب وخليه زي ال RBC ياتري وضعها ايه من الاعراب؟


اقولك يا سيدي


ببساطة... ربنا خلق ليه نوع مختلف من البطاقات بتميز خلايا احمد عن خلايا رامز


البطاقات دي اللي احنا بنسميها ABO grouping


علشان كده الجسم بيكسر كرات الدم الحمرا اللي منقوله ليه لو ماكانتش متطابقه مع  الخلايا بتاعته.


هايسألني حد تاني مركز معايا وهوا بيقرا


هوا انت ليه يا دكتور معلم علي كلمة متطابقة..؟


لأنه ببساطة هيا دي مربط الفرس


تطابق الانسجة Histocompatibility


ماهو ال MHC اصلا اختصار لكلمة
Major Histocompatibility complex
يعني الجزئ المسئول عن تطابق الانسجة
كده نكون فهمنا معني الكلمة.


طيب يا تري هوا في منه انواع...؟
طبعا...
امال الفروق بنا وبين بعضينا هاتحصل ازاي؟


عندنا يا سيدي منه 3 انواع:


1و2و3


MHC Classes:


Class I molecules:
HLA-A, HLA-B, HLA-C.
Expressed on plasma membranes of most cells and tissues.
It presents Ag to CD8 cells "T Cytotoxic".


Class II molecules:
HLA-DP, HLA-DQ, HLA-DR.
Expressed on the surface of the Ag presenting cells including:

  • B lymphocytes.


  • Macrophages.


  • Dendritic cells.

It presents Ag to CD4 cells "T Helper".


Class III molecules:
Another type of MHC molecule.
Associated with certain complement components:
C2, C4 & factor B, also with TNF α and β.
These Ags have no role in graft rejection.
لو واحد قرأ من غير تركيز هايسألني:


طيب يا دكتور ازاي هزوا 3 انواع بس وبيخلي فيه اختلاف بينا "يعني مافيش اتنين متطابقين تماما"


اصل لو هوا 3 انواع بس يبقي كنا هانلاقي في كل 4 اتنين زي بعض..؟


طبعا ده كلام كويس


معناه ان سيادتك ركزت في العربي وبس


وماركزتش في اللي مكتوب تحت العناوين بالنجليزي...!


ببساطه


أول نوع "Class I"


فيه منه 3 اصناف "A,B,C"


والنوع التاني "Class II"


فيه منه برده 3 اصناف "DP,DQ,DR"


لأ ومش بس كده


ربنا سبحانه وتعالي خلق من كل صنف من دول اشكال مختلفة جدا


يعني مثلا ....


MHC class B عندها اكتر من 300 شكل وزيها الباقي


وده يخلي فيه استحاله ان اتنين من البشر يكونوا شبه بعض


Most of the HLA genes are polymorphic:

Multiple alleles occur at a single HLA locus.

(Alleles = alternate forms) that represent small variations in the nucleotide sequence of the gene.

That means: There are many alternative versions of each MHC gene that yield proteins with slightly distinct sequences.
For example:

  • HLA-A: more than 400 alleles.


  • HLA-B: more than 300 alleles.



طبعا هايجي واحد دلوقتي ويسألني انت بتشرح في ايه اساسا...؟


السؤال كان عن ال MHC وانت عمال تقول HLA....؟


والاجابة ببساطة انهم الاتنين حاجه واحد "علشا ن ماتلخبطوش نفسيكم"


لأنهم اول ماكتشفو ال MHC اكتشفوه علي سطح كرات الدم البيضاء " leukocytes"


وعلشان كده سموها علي اسمها في الاول "لأنهم ماكنوش عارفين دورها في تطابق الانسجة"






Human Leukocyte Antigens (HLA)






ياتري لازمتها ايه بأه "شغلانتها ايه ياعني"..؟


1. قولناها " تطبق الانسجة".


2. ليها دورمهم جدا في عملية تعريف الخلايا المناعية " T&B lymphocytes" بالخصم بتاعها اللي مطلوب منها تخلص عليه


لأن الخلايا الاكولة اللي بتقدم الخصم الغريب ده "APC"


بتحتاج حاجة "مشبك مثلا" تمسكه بيه علشان تعرف خلايا المناعة عليه



ومن غير الحركة دي مش هايحصل تنبيه للقوات الخاصة بتاعة المناعه


3. لقينا كمان انه ليه علاقه ببعض الامراض الوراثية ذات الاصل المناعي زي الروماتويد مثلا


الروماتويد ده اصلا مرض سئ جدا بيضرب المفاصل


وبيظر تقريبا في سن التلاتينات, وجدوا انه بكون في نوع معين من ال MHC بيظهر وبيكتر أوي في الجسم بتاع المريض


يبقي اكيد في علاقة...!


" بيني وبينكم تخيلوا كده واحد عنده تلاتين سنه او اكتر... خلايا المناعه بتاعته عارفه ان خلايا المفاصل بتاعته برده ماعندهاش MHC class II DR4


واذ فجأة يظهر الجزئ ده علي خلايا المفاصل .... ساتها جهاز المناعه يشوفها كخلايا غريبة ويدا في التفاعل ضدها " وهنا يحصل المرض.






وكده نكون فهمنا الموضوع


فاضل حاجه بسيطة خالص ...


ان احنا نعرف ان الجينات المسئولة عن تكوين ال MHC موجوده عندنا علي الكروموسوم رقم 6 تحديدا علي الدراع القصير منه

 وبكده اكون ان خلصت
هاستني اسئلتكم وتعليقاكم وسامحوني ان كنت قصرت

والله الموفق


د.أحمد رمزي

3 التعليقات:

غير معرف يقول...

بارك الله فيك و جزاك الله كل خير
حضرتك فعلا سهلتها خالص

غير معرف يقول...

جزاك الله خيرا
حضرتك شرحتها زى الشرح بتاع حصه المراجعه

غير معرف يقول...

بارك الله فى حضرتك بس كان ليه سؤال طب لبه ببجيبوا رسمه ويقولوا دى. ال mhc 1 ,ورسمه تانيه ويقولوا ٢ مدام بتختلف من شخص لاخر واسفه فيه سؤاا تانى طب ليه فى مرض الروماتيزم بيظهر اصلا واحد تانى مختلف

إرسال تعليق