The question...
السلام عليكماولا بشكر حضرتك جدا على زوقك وعلى العلاقة الجميلة اللي بين حضرتك والطلبة
معلش عندي سؤال لو مفهاش ازعاج :
Bacterial Spores (Endospores)
Some bacteria , notably those of the genera BACILLUS and CLOSTRIDIUM develop a highly resistant resting phase or endospore that does not grow or reproduce , and exhibit absolute dormancy
مش فاهم حاجه خالص من الجملة اللي فاتت يا دكتور
وشكرا لتعبك وجزاك الله كل خير ...
والسلام خير ختام ...
The Answer......
اولا: شكراعلي المقدمة اللطيفة
ثانيا: بص يا سيدي فكرة ال spore دي بسيطة أوي
دي فكرة بتعملها البكتريا لما بتلاقي الظروف حواليها غير مناسبة لل development & multiplication
يعني مافيش اكل ولا شرب وكمان درجة حرارة غير مناسبة
تقوم تعمل حاجة بنسميها بالعربي التحوصل يعني البكتريا بتجمع الاجزاء المهمة الي جواها "Nucluoid , Ribosome,....." وتبدأ تكون حواليهم غشاء قوي جدا جدا من اكتر من طبقة
وتتخلص من باقي الاجزاء الغير مهمة
وتدخل في مرحلة كمون طويلة لغاية الطرووف لما تتحسن ممكن تمتد الي شهووور وسنيين "بعض الانواع ممكن تفضل من غير اي نشاط لغاية 20 سنة!!!"
بس اول ما الظروف تتحسن و ال spore ده يدخل في مكان مناسب فيه اكل وشرب "يعني host من الاخر" تبدأ ساعتها تنشط من جديد وتفك الغشاء الي حواليها وترجع تتكاثر تاني
اشهر بكتريا بتعمل الحكاية دي مجموعتين من البكتريا اسمهم: BACILLUS and CLOSTRIDIUM
ودول يا سيدي عائلتين كبار اوي هاتاخدهم في ال systemic بالتفصيل ان شاء الله
مثلا عند واحدة من ال CLOSTRIDIUM دول بتكون موجودة اصلا في الامعاء بتاعة الحيوانات
ولما بتنزل مع البراز علي الارض..... بتلاقي التراب , والتراب ده معناه ان مافيش مياه و لا تغذية وكمان درجة عالية من الشمس ساعتها تعمل البكتريا ال spore لغاية مايصل بالمصادفة ان واحد ينجرح او يدخل في رجله "مثلا" مسمار ملوث بالتراب ده
ساعتها البكتريا هات germenate وترجع تتكاثر تاني وتعملة المرض إلي بنسمية التيتانوس
ويارب تكون المعلومة وصلت....
في انتظار أسئلة الأصدقاء وتعليقاتهم
0 التعليقات:
إرسال تعليق