استفسار بخصوص Pathogenesis of HCV

استفسار بخصوص
Pathogenesis of HCV

 The Question:

السلام عليكم يا د. رمزى
أنا كان عندى استفسار بخصوص
pathogenesis of HCV
عايزة اعرف ايه اللى بيحصل بالظبط
هو المفروض لما بيتنقل عن طريق الدم بيلف الاول فى الدم لحد مايوصل الكبد ... وخلال الفترة دى بتقدر خلايا الجهاز المناعى انها تستقبله وتهاجمه
like dendritic cells& phagocytes .... which present the antigen to the T helper cells
T helper cells are activated & activate the B cells
then when the virus enters the hepatocyts.....T helper cells activates the CTLs that cause hepatocellular damage & necrosis
ولا ايه بالظبط
يعنى انا فاهمة كدة صح؟؟
شكرا
السلام عليكم

The answer:

السلام عليكم ورحمة الله وبركاته
ازيك يا دكتورة
سؤالك جميييل جدا جدا
ولازم كلنا نكون فاهمينة كويس اوي
لان الالتهاب الكبدي مشكلة خطيرة جدا في مصر وبنقابلها كل يوم تقريبا
 

اللي انت قلتيه مظبوط
الفيروس بعد ما بيدخل الجسم ويلف في الدم
ال phagocytic cells بتحاول تسيطر
وبتعمل Ag presentation لخلايا المناعه
معني كده ان المناعه بتتنبه ضد فيروس C؟
اه طبعا
وبيتكون اجسام مضادة  Abs
وكمان CMI in the form of specific T cells
امال ايه المشكلة...؟ وليه المناعه دي مش بتقدر عليه..؟
خلاصة الامر بعيدا عن اي تفاصيل ماتهمنيش كطالب في سنه تالته
ان الفيروس لما بيدخل خلايا الكبد بكده يكون هرب من تأثير الاجسام المضادة Abs
وده منطقي لأن الفيروس خلاص بأه intracellular

طب وال CTLs ؟
درها بيجي في المرحلة دي... لأنها شغلانتها كده
CMI
يعني تضرب الخلايا اللي فيها مشكلة
وخلايا الكبد في الحالة دي مليانه مشاكل "الفيروس طبعا"
وعلشان كده تبدأ ال CTLs في الهجوم علي الخلايا المصابه وقتلها
ده بهدف انها توقف تقدم الهجوم الرهيب للفيروس
يعني عايزه تحد من انتشاره
المشكلة الخطيرة هنا ايه
ان الخايا بتاعة الكبد اللي بتموت مش بيطلع مكانها خلايا جديدة
لأ ده بيطلع مكانها الياف
fibrous tissue
وده سبب حدوث تليف الكبد
تخليلي ان القصه بتحصل كل دقيقة في حياة المريض....!
وده معناه ايه..؟
معناه ان الكبد بيتدمر خليه خلية وجزء جزء
لغاية مايبدء الثمن الاخير منه انه يتأثر
"ماهو من فضل الله الانسان منا ممكن يعيش بحاوالي تمن خلايا الكبد"
وتبدأ هنا الكارثة....
الفشل الكبدي
liver cell faliure
بكل مضاعفاته من:
ارتفاع في ضغط الوريد الكبدي البابي
portal hypertension
وما يليه من قئ دموي ونزيف من دوالي المرئ او الشرج
استسقاء بالبطن وتورم الجسم
والغيبوبة الكبدية

وبس

يارب اكون وضحت لك الاجابه
موضوع فيروس C موضوع مهم اوي
اكيد هايكون لينا لقاءات كتيرة تاني معااااه